ប្រាសាទថ្មីរកឃើញ នៅលើខ្នងភ្នំគូលេន ជាអតីតរាជដំណាក់ព្រះមហាក្សត្រ
ក្រុមអ្នកបុរាណវិទូពហុភាគីមួយក្រុម បានរកឃើញប្រាសាទបុរាណមួយនៅលើខ្នងភ្នំគូលេន
កាលពីពេលថ្មីៗនេះ។ ក្រុមបុរាណវិទូអាចរកឃើញប្រាសាទនេះ ដោយសារតែការផ្តល់ព័ត៌មានរបស់ប្រជាជនអ្នកភូមិដែលរស់នៅ និងធ្វើដំណើរនៅក្នុងតំបន់នោះ។ ក្រុមអ្នកស្រាវជ្រាវបុរាណវិទ្យាបានប្រើប្រាស់បច្ចេកវិទ្យាទំនើប ចុងក្រោយមួយ ដើម្បីថតយកទីតាំងនៃប្រាសាទនោះ ដែលបានកប់បាំងទៅក្នុងដី និងដើមឈើជាច្រើន។ អ្នកស្រាវជ្រាវបុរាណវិទ្យាលោក អ៊ឹម សុខរិទ្ធី ដែលជាអនុប្រធាននាយកដ្ឋានផ្សព្វផ្សាយនៃអាជ្ញាធរអប្សរាបានផ្តល់ បទសម្ភាសន៍អោយវិទ្យុបារាំងRFI នៅថ្ងៃនេះ ដើម្បី ពន្យល់អំពីការរកឃើញប្រាសាទបុរាណនេះ។
